Што вывучаем

У выніку вывучэння вучэбнага прадмета навучэнец павінен:

ведаць на ўзроўні ўяўлення:

• асноўныя этапы станаўлення і развіцця судовай сістэмы;
• паняцце і формы органаў судзейскай супольнасці (самакіравання);
• паняцце і прызначэнне арганізацыйнага і матэрыяльна-тэхнічнага забеспячэння дзейнасці судоў і органаў судзейскай супольнасці;
• прынцыпы арганізацыі і асноўныя напрамкі дзейнасці пракуратуры, сістэму і структуру органаў пракуратуры;
• сістэму, структуру і кампетэнцыю органаў папярэдняга следства і дазнання;
• прынцыпы арганізацыі адвакатуры і адвакацкай дзейнасці, арганізацыйныя формы ажыццяўлення адвакацкай дзейнасці, органы адвакацкага самакіравання;

ведаць на ўзроўні разумення:

• паняцце праваахоўнай дзейнасці і праваахоўных органаў;
• паняцце і прызначэнне судовай улады, яе ўласцівасці, месца ў сістэме падзелу ўлад;
• паняцце судовай сістэмы, яе звёнаў і судовых інстанцый, прынцыпы пабудовы судовай сістэмы;
• віды судоў, іх кампетэнцыю;
• асноўныя прынцыпы прававога статусу суддзі, правы і абавязкі суддзяў, патрабаванні, якія прад’яўляюцца да кандыдатаў на пасаду суддзі;
• паняцце народных засядацеляў, патрабаванні, якія прад’яўляюцца да народных засядацеляў;
• правы і абавязкі сакратара судовага пасяджэння (сакратара судовага пасяджэння – памочніка суддзі);
• паняцце міністэрства юстыцыі, сістэму і структуру Міністэрства юстыцыі;
• паняцце пракуратуры, задачы пракуратуры ў Рэспубліцы Беларусь;
• паняцце і задачы органаў папярэдняга следства і дазнання;
• сістэму органаў, якія ажыццяўляюць аператыўна-вышуковую дзейнасць, іх правы і абавязкі;
• паняцце адвакатуры, яе задачы, умовы і парадак допуску да адвакацкай дзейнасці;
• паняцце натарыята і натарыяльнай дзейнасці, асноўныя прынцыпы натарыяльнай дзейнасці ў Рэспубліцы Беларусь;

умець:

• аналізаваць заканадаўства аб органах судовай улады;
• пісьменна выкладаць свае меркаванні адносна тэарэтычных палажэнняў судовага ладу, абгрунтоўваць іх спасылкамі на адпаведныя НПА;
• карыстацца спецыяльнай юрыдычнай тэрміналогіяй у прафесійнай дзейнасці.

Асаблівасці навучання

Методыка выкладання вучэбнага прадмета будуецца на спалучэнні тэарэтычных і практычных занятках, якія дапаўняюцца самастойнай працай навучэнцаў над вучэбнай літаратурай і першакрыніцамі.

У мэтах кантролю ведаў, навучэнцаў прадугледжана правядзенне абавязковай кантрольнай работы.