Што вывучаем

Праграма прадмета прадугледжвае вывучэнне правілаў графічнага афармлення чарцяжоў, тэарэтычных асноў геаметрычнага мадэлявання, праекцыйнага чарчэння, а таксама набыццё вучнямі практычных навыкаў па тэхніцы выканання чарцяжоў на персанальных камп’ютарах.

Вывучыўшы дысцыпліну, навучэнцы павінны ўмець графічна правільна ў адпаведнасці з патрабаваннямі Адзінай сістэмы канструктарскай дакументацыі (ЕСКД) выконваць і свабодна чытаць чарцяжы.

Праграмай вызначаны мэты вывучэння кожнай тэмы, спрагназаваны вынікі іх дасягнення ў адпаведнасці з узроўнямі засваення навучальнага матэрыялу.

У выніку вывучэння прадмета навучэнцы павінны ведаць на ўзроўні прадстаўлення:

• Адзіную сістэму тэхналагічнай дакументацыі (ЕСТД), Адзіную сістэму канструктарскай дакументацыі (ЕСКД), Адзіную сістэму праграмнай дакументацыі (ЕСПД);
• сучасныя напрамкі развіцця інжынернай графікі;
• віды праецыравання пры выкананні відарысаў;

ведаць на ўзроўні разумення:

• асноўныя стандарты, якія рэгламентуюць правілы графічнага афармлення чарцяжоў;
• асновы начартальнай геаметрыі і праекцыйнага чарчэння;
• агульныя правілы выканання чарцяжоў вырабаў;
• правілы выканання схем алгарытмаў і праграм;
• правілы выканання ўмоўных графічных відарысаў на схемах;

умець:

• складаць комплексныя чарцяжы у адпаведнасці з правіламі паралельнага прамавугольнага праецыравання;
• выконваць выявы ў адпаведнасці з патрабаваннямі ЕСКД; выконваць схемы алгарытмаў у адпаведнасці з патрабаваннямі стандартаў.

Асаблівасці навучання

У ходзе вывучэння праграмнага навучальнага матэрыялу неабходна кіравацца дзеючымі тэхнічнымі нарматыўнымі прававымі актамі, строга выконваць адзінства тэрміналогіі і абазначэнняў.

Асноўнай формай арганізацыі навучальнага працэсу па вучэбным прадмеце “Асновы інжынернай графікі” з’яўляюцца практычныя заняткі.

У мэтах кантролю засваення праграмнага навучальнага матэрыялу прадугледжана правядзенне адной абавязковай кантрольнай работы.