Што вывучаем

У выніку засваення вучэбнага прадмета «Гаспадарчы працэс» навучэнцы павінны ведаць:

• прадмет, метады, прынцыпы, сістэму крыніц гаспадарчага працэсу;
• сістэму эканамічных судоў Рэспублікі Беларусь;
• склад эканамічнага суда, яго кампетэнцыю;
• склад асоб, якія ўдзельнічаюць у справе, іх правы і абавязкі;
• віды доказаў і сутнасць даказвання ў гаспадарчым працэсе;
• віды і стадыі гаспадарчага працэсу;
• іскавую вытворчасць;
• загадную вытворчасць;
• парадак абскарджання (апратэставання) судовых пастаноў у эканамічным судзе апеляцыйнай, касацыйнай, нагляднай інстанцый;
• парадак перагляду спраў па абставінах, якія зноў адкрыліся;
• выканаўчае вядзенне;

умець:

• сістэмна аналізаваць і ацэньваць арганізацыю і дзейнасць эканамічных судоў;
• апераваць гаспадарча-працэсуальнымі катэгорыямі, арыентавацца ў нарматыўных прававых актах, якія рэгулююць гаспадарча-працэсуальныя адносіны, аналізаваць іх і правільна прымяняць;
• вызначаць падведамнасць і падсуднасць справы;
• складаць іскавыя заявы, іншыя працэсуальныя дакументы;
• вызначаць від судаводства, у якім справа падлягае разгляду.

Асаблівасці навучання

Асноўнымі мэтамі вывучэння вучэбнага прадмета з’яўляюцца: развіццё прафесійнай кампетэнтнасці ў галіне выкарыстання норм гаспадарчага працэсуальнага права, фарміраванне ведаў аб яго прынцыпах, удзельніках гаспадарчага працэсу, доказах і працэсе даказвання, відах і стадыях судаводства.

Навучальны прадмет “Гаспадарчы працэс цесна ўзаемазвязаны з такімі вучэбнымі прадметамі, як “Грамадзянскае права”, “Гаспадарчае права”, “Грамадзянскі працэс”.

У мэтах кантролю ведаў навучэнцаў прадугледжана правядзенне абавязковай кантрольнай работы, заданні для якой распрацоўваюцца выкладчыкам і разглядаюцца на пасяджэнні метадычнай (цыклавой) камісіі “Правазнаўства”.