Што вывучаем

• паняцце, мэты, задачы і прынцыпы справаводства;
• асноўныя паняцці дакументацыйнага забеспячэння кіравання;
• сістэмы дакументацыйнага забеспячэння кіравання;
• палажэнні і інструкцыі па вядзенні справаводства ў арганізацыі;
• сутнасць дакументазнаўства, віды і прызначэнне дзелавой дакументацыі, парадак яе вядзення;
• класіфікацыю дзелавых дакументаў;
• патрабаванні стандартаў да складання і афармлення дакументаў;
• асаблівасці працы з кадравымі дакументамі;
• арганізацыю дакументазвароту: прыём, апрацоўку, рэгістрацыю, кантроль, захоўванне дакументаў, наменклатуру спраў.

Асаблівасці навучання

Мэта вывучэння вучэбнага прадмета “Дакументацыйнае забеспячэнне кіравання арганізацыяй” – засваенне вучнямі сутнасці дакументавання і арганізацыі работы з дакументамі.

На вучэбных занятках па прадмеце «Дакументацыйнае забеспячэнне кіравання арганізацыяй» навучэнцы набываюць уменні і навыкі па

• ажыццяўленню кантролю праходжання службовых дакументаў і матэрыялаў;
• прыёмцы і рэгістрацыі паступіўшай карэспандэнцыі з прымяненнем часопіснай формы або картак у адпаведнасці з рэзалюцыяй кіраўніка арганізацыі;
• вядзенню ¦ўліку карэспандэнцыі, якая атрымліваецца і адпраўляецца, сістэматызацыі і захоўванню дакументаў бягучага архіва;
• забеспячэнню бяспекі захаванай службовай дакументацыі;
• падрыхтоўцы і здачы ў архіў арганізацыі дакументальных матэрыялаў, завершаных справаводствам;
• стварэнню рэгістрацыйных картатэк, складанню вопісу спраў, якія перадаюцца на захоўванне ў архіў.

У выніку вывучэння вучэбнага прадмета навучэнцы павінны авалодаць уменнем дакументавання, пісьменнага афармлення дзелавога допісу, а таксама ўмець арганізаваць работу з дакументамі: рэгістрацыю, кантроль, выкананне, пошук дакументаў і перадачу на захоўванне асабістых спраў.