Што вывучаем

У шырокім сэнсе слова “кааперацыя” мае на ўвазе ўласцівасці навакольнага свету з яго сувязямі і патрэбамі, а з другога боку – сінонім чалавечага грамадства, з трэцяга боку – гэта асноўны сацыяльны механізм, створаны людзьмі для падтрымання жыцця.

Кааперацыя – гэта сістэма грамадска-вытворчых адносін, сукупнасць кааператываў, якія дзейнічаюць у розных сферах жыцця і эканоміцы.

Кааператыў – гэта сістэма грамадска-вытворчых адносін, добраахвотнае аб’яднанне фізічных асоб для паляпшэння свайго абслугоўвання, матэрыяльнага і сацыяльнага становішча.

Кааператыўны рух – гэта арганізацыйна-масавая, эканамічная, культава-асветніцкая і ідэалагічная дзейнасць людзей у форме агітацыі за кааператыўны лад жыцця.

Як вынікае з назвы самага факультатыўнага курса, тут вы будзеце вывучаць асноўныя паняцці тэорыі кааперацыі, перадумовы ўзнікнення кааператыўнага руху, асноўныя этапы развіцця спажывецкай кааперацыі ў Рэспубліцы Беларусь, асноўныя палажэнні кааператыўнай ідэалогіі, нарматыўна-прававую базу дзейнасці і арганізацыйную пабудову беларускай спажывецкай кааперацыі.

Асаблівасці навучання

Праграмай вывучэння факультатыўнага курса прадугледжаны тэарэтычныя і практычныя заняткі.

Мэта практычных заняткаў заключаецца не толькі ў замацаванні лекцыйнага матэрыялу, але і ў арганічным дапаўненні яго. Азнаямленне з працамі тэарэтыкаў і практыкаў кааператыўнага руху, публікацыямі ў перыядычных выданнях, нарматыўнымі дакументамі дасць магчымасць асвоіць асноўныя паняцці вывучаемага курса, змест тэорый кааперацыі, сутнасць арганізацыйных, эканамічных, прававых і грамадска-палітычных асноў дзейнасці кааператываў.